jbovlaste
a lojban dictionary editing system
User:
Pass:

Home
Get A Printable Dictionary
Search Best Words
Recent Changes
How You Can Help
valsi - All
valsi - Preferred Only
natlang - All
natlang - Preferred Only
Languages
XML Export
user Listing
Report Bugs
Utilities
Status
Help
Admin Request
Create Account
Discussion of "jbojbe"
[parent] [root]
Comment #2: Re: .ia srana lo nunrirci je nai lo nunrorci
Lorenzo Von Matterhorn (Sat Feb 28 00:37:25 2015)

selckiku wrote:
> .i mi ji'a pensi lo nu pilno lo re moi tersu'i be zo jbena .i ku'i .ia
> bu'o na'e drani .i lo se jbena cu rorci .i ku'i lo nunrirci je nai lo
> nunrorci cu vajni lo nunjbojbe .i cumki fa lo nu lo na'e rorci
jbojberirni
> ba gasnu lo nu me'oi .adopt. kei mu'a .ie pei .i .ia sai srana lo
nunrirni
> po'o

mi pu pensi ru .i ku'i da'i ka'e pilno zo jboselrirni ja lo simsa .i lo nu
jbena lo jbopre cu da'i cinri frica .i lo jbena be lo na'e jbopre cu poi'i
lo pa moi bangu be ke'a cu glibau mu'a (to va'o lo nu na cifnu sai toi) .i
ja'e bo lo jbobau na pa moi lo bangu .i ku'i .i'a .e'u denpa .i ba facki
lo du'u lo jbopilno ba pilno zo jbojbe ma kau

Comment #3: Re: .ia srana lo nunrirci je nai lo nunrorci
Brett Williams (Sat Feb 28 04:28:31 2015)

.ue .ua nai .i ma terta'a .i zo jbojbe to'e cnino .i mi jmina mu'i lo nu
la .ilmen. pu steci cpedu mu'i lo za'i zo jbojbe ze'u mutce cafne se pilno
.i lo ca'abna rirni be lo ca'abna jbojbe cu ja'a pilno zo jbojbe .i pilno
ze'u lo nanca be li su'o pa mu ba'u cu'i (to zoi .urli.
https://groups.yahoo.com/neo/groups/lojban1/conversations/topics/1350
.urli. toi) .i pilno pu zu pu lo nu lo jbojbe cu zasti .i pe'i bazde'a
.u'i

Comment #4: Re: .ia srana lo nunrirci je nai lo nunrorci
Lorenzo Von Matterhorn (Sat Feb 28 11:49:21 2015)

selckiku wrote:
> .ue .ua nai .i ma terta'a .i zo jbojbe to'e cnino .i mi jmina mu'i lo nu
> la .ilmen. pu steci cpedu mu'i lo za'i zo jbojbe ze'u mutce cafne se
pilno

mi djuno lo du'u zo jbojbe to'e cnino

> .i lo ca'abna rirni be lo ca'abna jbojbe cu ja'a pilno zo jbojbe .i
pilno
> ze'u lo nanca be li su'o pa mu ba'u cu'i (to zoi .urli.
> https://groups.yahoo.com/neo/groups/lojban1/conversations/topics/1350
> .urli. toi) .i pilno pu zu pu lo nu lo jbojbe cu zasti

ma ve djuno lo du'u mintu fa lo pu zu smuni lo ca smuni .i cumki fa lo nu
lo rirni be ca ti cu na'e steci pilno zo jbojbe .i pu ku no jbojbe je no
simsa cu zasti .i ja'o no da poi lo nu pilno zo jbojbe lo ka skicu ke'a cu
cumki pu zasti .i lo ca lojbo verba na la'a ba jbocre verba .i na ba jdice
va'i .i ja'o ru'e na mintu lo xanri be be lo cusku be lu lo jbojbe ba
jdice li'u

.i ta'o nai mi na xusra lo du'u sarcu fa lo nu lo ka jbojbe cu ka jbena lo
jbopre .i ku'i la'a fadni

Currently, jbovlaste will accept data for 70 languages.
You are not logged in.

  recent changes jbovlaste main
This is jbovlaste, the lojban dictionary system.
The main code was last changed on Wed 07 Oct 2020 05:54:55 PM PDT.
All content is public domain. By submitting content, you agree to place it in the public domain to the fullest extent allowed by local law.
jbovlaste is an official project of the logical language group, and is now headed by Robin Lee Powell.
E-mail him if you have any questions.
care to log in?